ايه هي الـRAM ؟

ايه هي الـ RAM او ذاكرة الوصول العشوائي ؟

الRAM عبارة عن ذاكرة مؤقته في الـ Computer بيتمسح من عليها كل حاجة اول ما بيتفصل عنها الكهرباء 

تعتبر الـ RAM من اهم الذاكرات البتساعد البرامج علي انها تشتغل احسن و اسرع

فهي بتحدد قد ايه البرامج تقدر تاخد مساحة
فالمطورين البيستخدموا برامج زي برامج التصميم و الايديت (..Photoshop,sony vegas,etc) بيحتاجوا يختاروا RAM مساحتها كبيرة و تكون سريعة في قراءة البيانات

ايه سبب تسميتها بالاسم ده ؟

سبب تسميتها بالاسم ده بيرجع لان المستخدم بيقدر يوصل لاي خلية عايزها بشكل مباشر من غير ما يمر بخلايا تانية

ايه هي انواع الـRAM او ذاكرة الوصول العشوائي؟

النوع الاول : SD-RAM أو SDR-RAM

و هي اختصار لجملة Single Data Rate Random Access Memory و هي معناها ذاكرة الوصول العشوائي الديناميكية المتزامنة ذات النقل الأحادي

النوع ده بيقوم بنقل البيانات بسرعة مقبولة نسبيا لكن بيستهلك طاقة اكتر من الانواع التانية و سرعة نقل البيانات حوالي 100 او 133 ميجا هيرتز

بتتكون من ايه ؟

كل قطعة خلية بتبقا دائرة متكاملة مركبة من ملايين الخلايا و تجمع الخلايا دي بيكون Transistors و Capacitors فا كل منهم مع بعض بيكون خلية واحده من خلايا الذاكرة و كل خلية من الخلايا بتبقا بيدينا 1 Bit 

النوع التاني: DD-RAM أو DD-SDRAM

و دي بيختلفوا علي اسمها فيه جزء من الناس بيسموها Dual Data Rate Synchronous Dynamic Random Access و دي معناها ذاكرة الوصول العشوائي الديناميكية المتزامنة ذات النقل الثنائي

و فيه جزء تاني من الناس بيقولوا عليها Double Data Rate-Synchronous DRAM و دي معناها ذاكرة الوصول العشوائي الديناميكية المتزامنة ذات النقل المضاعف أو المزدوج

النوع ده اسرع من النوع القبله بالضعف تقريبا و بيستهلك طاقة اقل من القبله

النوع التالت: RD-RAM

و هي اختصار لRambus Dynamic Random Access Memory و معناها الخطوط الديناميكية لذاكرة الوصول العشوائي

و دي بتتميز بسرعة هائلة و بتصل ل 800 ميجا هيرتز في الثانية بس تم التخلي عنها بعد دخول فئات الـ DDR 

ايه هو الـ DDR؟

هي اختصار لDouble Data Rate و هي بتضاعف سرعة الRAM فمثلا لو الRAM بتوصل ل 133 ميجا هيرتز فهي بتخليها 266 ميجا هيرتز

Abdallah Moataz