ايه هو كارت الشاشة او بطاقة العرض المرئي او Graphics card ؟
كارت الشاشة هو عبارة عن قطعة في الكومبيوتر بتخرج صور للشاشة بعد معالجتها و اي صورة او فيديو او العاب او الافلام و اي حاجة بتظهر علي الشاشة و بعض الكروت بتبقا متعددة المهام تقدر توصلها بكذا شاشة في نفس الوقت
معظم الشركات بتستخدم كروت الشاشة ما عدا شركة IBM و هي اصلا اول شركة اخترعت كروت شاشة و هنشرح بعد كده تاريخ كروت الشاشة بس هي حاليا بتستخدم وحدة اخري اسمها Commodore Amiga
تاريخ كروت الشاشة :
اخراع اول كارت شاشة سنة 1960 و اول كارت شاشة بدأ بيعه في المحلات كان من اصدار IBM عام 1981 و كان اسمه MDA اختصار لـ Monochrome display adaptar و ذاكرتها مكانتش بتعدي الـ 4 KB و مش بتستعمل غير لون واحد بس
انواع كروت الشاشة :
اولا فيه الكروت المدمجة مع اللوحة الام و دي بتبقا ضعيفة يعني مش بتستحمل الالعاب القوية و شغل زي المونتاج و الجرافكس
ثانيا عندنا الكروت الخارجية و ده فيه انواع كتير منه بس بيبقا اقوي من الكارت المدمج و الشركات البتتنافس في الكروت الخارجية هي ATI )AMD سابقا) و NVIDIA
اولا عندنا شركة AMD :
الشركة اول ما تأسست كانت شركة كندية اسمها ATI و اتأسست عام 1985 و ATI اختصار ل Array Technologies Incorporated و بعد كده تحولت لشركة امريكية في 2006 من شركة AMD و هي اختصار ل Advanced Micro Devices
AMD بتسمي كروتها Radeon
ازاي تفرق مابين كروت AMD ؟
صورة توضيحية للفرق بين كروت AMD
اولا الكارت بيبدأ بـ RX او R9 او R7 او R5
R3 و R5 : دول بيبقوا للكروت المواصفاتها عادية او متوسطة
R7 : ده بيبقا للفئة دخول الالعاب
R9 : و ده من اقوي الكروت ال AMD بتنتجها لحد دلوقتي
RX : دي بتبقا لأي كروت من سلسلة 400
ثانيا لو كارت الشاشة فيه حرف M بيبقا مخصص للابتوب اما لو من غير M فا ده بيبقا للكومبيوتر
ثالثا الارقام
الرقم الاول في كارت الشاشة ده بيرمز لجيل كارت الشاشة كل ما الرقم بيكبر كل ما بيبقا كارت الشاشة اجدد
الرقم التاني و ده بيرمز لأداء الكارت و طبعا كل ما الرقم يكبر كل ما يكون قوة الكارت احسن
الرقم التالت وده مش بيفرق اوي هو معمول بس عشان لو فيه كارتين بيدوا نفس الاداء واحد منهم بيتكتب في الرقم التالت ده 5
رابعا ساعات بيبقا فيه كروت مكتوب بعديها X دي بيبقا نسخة من نفس الكارت العادي المنغير X بس بيكون اسرع زي R9 390X
ثانيا عندنا شركة Nvidia
الشركة اتأسست عام 1993
الشركة بتسمي كروتها باسم GeForce
ازاي تفرق مابين كروت Nvidia ؟
صورة توضيحية للفرق بين انواع الكروت ف NVIDIA
اولا الكارت بيبدأ بـ GT او GTX
ال GT ده بيبقا للكروت الضعيفة و بدائية
اما الGTX ده من فئة دخول الالعاب لحد اقوي كروت عند الشركة
ثانيا الارقام الفي اسم كارت الشاشة
الرقم الاول بيبقا جيل الكارت و كل ما الرقم زاد كل ما الكارت بيبقا اجدد
الرقم التاني ده بيدل علي الاداء بتاع الكارت كل ما زاد الرقم كل ما الاداء بقا اعلي بس لازم يكون في نفس الجيل
الرقم التالت ده عشان لو فيه كارتين بنفس الاداء يفرقوا مابينهم بيحطوا رقم 5 في واحد منهم
رابعا ساعات بيبقا فيه بعد الكارت حروف زي TI و M
ال TI بترمز للتايتينيوم و بتتحط للنسخة الاسرع من نفس الكارت
اما الM بترمز ان الكارت ده مخصص للابتوب
Abdallah Moataz
