إيه هو الـ3D printing ؟
الـ 3D printing هو عبارة عن طباعة الـ3D models الي بتتصمم باستخدام برامج 3D زي blender, autocad, sketchup و غيره بمواد معينة و قبل ماتكلم على الـ3D printing لازم أتكلم عن الـModeling الأول.
الـ3D modelling
الـ3D Modeling (التصميم ثلاثي الابعاد) هو عملية تمثيل رياضي لأي سطح لشيء معين
صورة توضيحية
صورة توضيحية
و علشان تصمم حاجة زي كدا بتستخدم برامج معينة علشان تصممها زي ما قولت امثلة منهم: blender, autocad, sketchup
الاول لازم تتفرج على الـofficial tutorials عشان تقدر تفهم interface و tools البرنامج بعد كده اتفرج على كام فيديو على اليوتيوب و هتفهم الدنيا ماشية ازاي
هناخد sketchup كمثال هنا عشان دة ا أنا أعرف عنه أكتر
هتلاقي الـ official tutorials هنا
و دي tutorial series مفيدة جدا :
كده تقدر تعمل اول 3D model ليك
لو مش هتعرف تعمل 3D Model ممكن تشتري 3D Models معمولة قبل كدا اونلاين..
دلوقتي نيجي للجزء الامتع : الـ 3D printing
الـ3D Printer عامل زي الـPrinter العادي بالظبط, بس بدل ما بيطبع حاجات 2D بيطبعها 3D و بدل ما بتحطلو حبر علشان يطبع, بتحطلو مواد معينة زي البلاستيك, المطاط او حتى الحديد
و المواد دي بتتسيح لما تدخل ف الـPrinter علشان يتعمل بيها الـModel بتاعك
بعد ما تخلص الـ3D model بتاعك هتبعتو للـ3D printer و بعد كدا بتتم عملية الطباعة.
عملية الطباعة ثلاثية الابعاد بتتم بطريقة معينة و هي وضع طبقات متتالية فوق بعض لغاية ما يخلص و العملية دي بتتم باستخدام مواد معينة زي البلاستيك, والمواد دي بتتسيح لما تدخل الـ3D Printer علشان يتعمل بيها الـModel
و ده فيديو بيشرح ازاي العملية دي بتتم
طيب ازاي اطبع حاجة 3D ؟
أهم حاجة هي أنك تتأكد من الـ dimensions بتاعت الـ model من البرنامج (هتتعلم تعمل ده من الـtutorials الي فوق)
بعد كدا ....
لازم تعرف الfile extention المناسب للـ 3D printer هتحتاج تسأل الـworkshop الي هتطبع في عشان تحدد الـextention قبل ما تعمل export للـmodel
في الغالب بتعمل export كا .stl بس لازم تتأكد بردو.
ملحوظة: عشان تعمل export و import ل stl. في sketchup لازم تعمل install للplugin ده
هتطبع فين ؟
اللينك ده فيه ١٥ شركة طباعة 3D في مصر في أكتر من محافظة :-
و انا بنصح بـrobota للناس الفي الاسكندرية (المكان بجانب كلية الهندسة)
Sherif Negm
